Երեկ Գավառի հիվանադանոց ներխուժած մարդիկ 500-ից ավելի շատ են եղել, նրանց 90 տոկոսը Գավառի և Նորատուսի բնակիչներ են եղել: Այս մասին լրագրողների հետ զրույցում, անդրադառնալով Tert.am-ի հարցերին, ասաց Գեղարքունիքի մարզպետ Գնել Սանոսյանը՝ հիշեցնելով, որ երեկվա զինված միջադեպից հետո մահացածներից մեկը եղել է Գավառի բնակիչ, իսկ մյուսը՝ Նորատուսի:

«Հարձակման ժամանակ հիվանադանոցում եղել են մարզպետարանի աշխատակիցները փոխմարզպետի գլխավորությամբ, նաև ոստիկանության մի շարք պաշտոնյաներ, աշխատակիցներ 500 անձի մասին, որ խոսում ենք հասկանալի է, որ ես այնտեղ չեմ եղել և նրանց ասած թիվն եմ արտահայտել, կարծես թե 500-ից բավականին շատ են եղել, նախաքննական մարմիններն այս ամենի առնչությամբ կաշխատեն: Հիվանդանոցն ունի բավականին լավ տեսանկարահանող սարքավորումներ, ես արձանագրածի մի մասը տեսել եմ, տեսել եմ, թե ինչպես են մի քանի հարյուր հոգի ընդամենը մեկ մուտքից ներս են մտնում հիվանադանոց, այն դեպքում, երբ մարդիկ միայն մեկ մուտքից չեն մտել հիվնադանոց, նույնիսկ պատուհաններից են մուտք գործել: Հաշվի առեք, որ հիվանադանոցի հարակից տարածքներում, շրջակայքում մնացել են քաղաքացիներ, ովքեր մարդկանց հետ են եղել, բայց մուտք չեն գործել հիվանադանոց»,-մանրամասնեց նա: Գնել Սանոսյանը նաև ասաց, որ իր տեղեկություններով նախկին փոխմարզպետի որդու սպանության հետ միջադեպը կապ չունի:

«Էս դեպքի հետ կապված իրավական մանրամասները կտան համապատասխան մարմիները, բայց ավելի շատ այս դեպքն առնչություն ունի օրեր առաջ երիտասարդների միջև տեղի ունեցած ծեծկռտուքի հետ, որը նման ավարտ ունեցավ երիտասարդների ընկերների, հարազատների միջամտությամբ»,-ասաց նա: Գնել Սանոսյանի խոսքով՝ երիտասարդնեի վեճի հետ կապված մանրամասները պարզ կդառանան առաջիկայում: Մարզպետը նաև ասաց, որ չի տիրապետում մանրամասների՝ սպանված քննիչի եղբոր հետ կապված տարածված տեղեկությունների վերաբերյալ: «Ես չեմ կարող ասել քննիչի եղբոր, կամ ընդհանրապես արյուն խմելու հետ կապված նման բան եղել է, բայց չեմ կարծում, որ նման բան լինի»,-նկատեց նա: Գնել Սանոսյանի խոսքով՝ ձերբակալվել է 5 անձ, իսկ բերման ենթարկվածների թվին այս պահին չի տիրապետում: Մանրամասները՝ տեսանյութում Աղբյուր՝ Tert.am https://www.youtube.com/watch?v=pRTf_s7AOmE&feature=emb_title