«Իրավունք» թերթը գրում է. «ՀՀ վարչապետ Նիկոլ Փաշինյանը կիրակնօրյա իր ֆեյսբուքյան ուղիղ եթերի ժամանակ, ի թիվս այլ թեմաների, անդրադարձել էր նաեւ դատավորներին եւ Սահմանադրական դատարանին՝ նշելով, թե «վնգստացող» դատավորների հերթն էլ է գալու, որոնք «վեշերը» պետք է հավաքեն եւ գնան»:
Անդրադառնալով վերոնշյալին՝ ԱԺ«Լուսավոր Հայաստան» խմբակցության պատգամավոր Տարոն Սիմոնյանն ընդգծեց, որ քաղաքական իշխանության ներկայացուցիչները, հատկապես դատական իշխանության որեւէ ներկայացուցչի վերաբերյալ, եթե ընդհանուր հայտարարություններ են անում, պետք է դրսեւորեն չափավոր զգուշավորություն:
«Բարձրագույն դատական խորհուրդ կա, որը եթե այսօր կամ վաղն այդ հայտարարություններին չարձագանքի, մենք բավարար հիմքեր կունենանք կասկածելու, որ ԲԴԽ-ն իր սահմանադրական պարտականությունները չի կատարում: Եթե կան նման դատավորներ, ապա ԲԴԽ-ն ունի նման գործառույթներ, եւ այդ անձինք օր առաջ պետք է հեռացվեն դատական համակարգից:
Եթե երկու տարի անցել է, եւ ոչ ԲԴԽ-ն, ոչ Արդարադատության նախարարությունն իր իրավասության շրջանակներում գործընթացներ չի կազմակերպում, որպեսզի այդ դատավորներին հանեն դատական իշխանությունից, ապա կրկին բավարար հիմքեր ունենք կասկածելու, որ այդ ամենն ասվում է՝ պարզապես ասելու համար:
ԲԴԽ-ն վիրավորանքը վիրավորանքի հետեւից կուլ է տալիս եւ որեւէ գործընթաց չի սկսում ու գործադիրի ղեկավարությանն ասի, որ դատարանների հիմնական թիկունքը դատավորների հարգանքն է, նրանց վստահությունը»:
Առավել մանրամասն՝ թերթի այսօրվա համարում
00:00:00
