ԱԺ ԲՀԿ խմբակցության պատգամավորներ Նաիրա Զոհրաբյանն ու Միքայել Մելքումյանը ԱԺ ճեպազրույցների ժամանակ անդրադարձան վարչապետի ուղիղ եթերից առաջ արված կադրերի արտահոսքին:
Նաիրա Զոհրաբյանն ասաց. «Տեղի է ուեցել իսկապես անընդունելի բան: Հիմա դա եղել է դիտավորություն, թե դա եղել է ոչ պրոֆեսիոնալիզմի և դիլետանտիզմի արդյունք, երբ ազդանշանը ուղարկել են հեռուստաընկերություններին ավելի շուտ, դա չի փոխում տեղի ունեցածի գնահատականը: Ինձ համար դա բացարձակապես անընդունելի է, որովհետև եթերից առաջ երկրի առաջին դեմքի նախապատրաստական փուլը տալ, դա անընդունելի է: Ես երկու վարկածներից որևէ մեկը չեմ կարող բացառել՝ դա եղել է սաբոտաժ, թե պրոֆեսիոնալիզմի պակաս, բայց մի բան կարող եմ ասել՝ ինչի արդյունքում էլ դա եղած լինի, պետք է անպայման կրեն պատասխանատվություն, այդ թվում՝ նաև վարչապետի մամուլի ծառայությունը: Նրանք պետք է ամենայն մանրամասնությամբ հսկեին ամբողջ գործընթացը»:
Միքայել Մելքումյանն էլ նշեց, որ սա ևս մեկ անգամ փաստում է, որ պետական կառավարման համակարգում կա կառավարման որակի խնդիր: Շատ տեղերում միջինից ցածր է այդ մակարդակը:
