Գեղարքունիքի մարզում այսօր՝ ապրիլի 7-ին, ժամը 18:50-ի սահմաններում MAN մակնիշի ավտոմեքենան կողաշրջվել է. վարորդը մահացել է։
Shamshyan.com-ի հաղորդմամբ՝ վարորդը Ծովագյուղ-Շորժա-Վարդենիս ավտոճանապարհի Մեծ Մասրիկ գյուղի վարչական տարածքում, դեռեւս անհայտ հանգամանքներում, դուրս է եկել ճանապարհի երթեւեկելի գոտուց եւ կողաշրջվել:
Նրա դին ավտոմեքենայից դուրս են բերել դեպքի վայր ժամանած Արտակարգ իրավիճակների նախարարության փրկարար ծառայության Գեղարքունիքի մարզային փրկարարական վարչության Վարդենիսի հրշեջ-փրկարարները:
