Հայաստանի ԱԻՆ-ում, մարտի 25-ին, ժամը 20:01-ին Ճգնաժամային կառավարման ազգային կենտրոն տեղեկություն է ստացվել, որ Վայոց ձորի մարզի Սարավան բնակավայրի մոտակայքում տեղի է ունեցել ավտովթար: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ եւ օպերատիվ խումբը: Պարզվել է, որ Մ-2 ավտոճանապարհի Երեւան-Մեղրի հատվածի 53-րդ կմ-ին բախվել են «ՎԱԶ-2106» (վարորդ՝ Արսեն Ե., ծնված 1989 թ.) եւ «ԿամԱԶ» (վարորդ՝ Վահիկ Զ.) մակնիշների ավտոմեքենաները: ՃՏՊ-ի հետեւանքով Արսեն Ե.-ն հոսպիտալացվել է Վայքի ԲԿ, որտեղ բժիշկները տուժածի առողջական վիճակը գնահատել են բավարար: Փրկարարները հոսանքազրկել են «ՎԱԶ-2106» մակնիշի ավտոմեքենան եւ փակել գազի բալոնի փականը: