«Էրեբունի» բժշկական կենտրոնն անցել է աշխատանքային հատուկ ռեժիմի: Ուժեղացվել է զգոնությունն ինչպես ծննդատանը, այնպես էլ բոլոր բաժանմունքներում: Վարակի տարածումը կանխարգելելու համար, ինչպես նաև հիմք ընդունելով ՀՀ առողջապահության նախարարության հանձնարարականը՝ «Էրեբունի» բժշկական կենտրոնի ծննդատանը դադարեցվել են տեսակցության նպատակով բոլոր այցելությունները, իսկ մյուս բաժանմունքներում խիստ սահմանափակվել: Հատուկ ռեժիմով է աշխատում նաև ընդունարանը: Առողջապահության նախարարության առաջարկած ուղեցույցների համաձայն՝ իրականացվում են կանխարգելիչ բոլոր միջոցառումները: