ArmDaily.am-ի տեղեկություններով իշխանական վերնախավում այս պահին քննարկում են երկրում արտակարգ դրություն մտցնելու հարցը: Վերջին օրերին կորոնավիրուսի վարակվածության դեպքերի ավելացմամբ պայմանավորված բազմաթիվ անձինք կոչ են արել իշխանություններին արտակարգ դրություն հայտարարել՝ իրավական կարգավորումներին համապատասխան:
Նշենք, որ ԱՐՏԱԿԱՐԳ ԴՐՈՒԹՅԱՆ ԻՐԱՎԱԿԱՆ ՌԵԺԻՄԻ ՄԱՍԻՆ օրենքի 7-րդ հոդվածով առնվազն մի քանի միջոցառումներ են սահմանվում, մասնավորապես.
- ֆինանսատնտեսական գործունեության առանձին տեսակների իրականացման, ներառյալ՝ ծառայությունների մատուցման, ապրանքների և ֆինանսական միջոցների շրջանառության սահմանափակումներ,
- սննդամթերքի և առաջին անհրաժեշտության ապրանքների վաճառքի, ձեռքբերման և շրջանառության հատուկ կարգի սահմանում,
- հավաքներ կամ հանրային միջոցառումներ իրականացնելու սահմանափակում կամ արգելում,
- զանգվածային լրատվության միջոցներով առանձին հրապարակումների, հաղորդումների արգելում,
- որոշակի տարածքներ մուտք գործելու և տարածքից դուրս գալու հատուկ ռեժիմի սահմանում։
00:00:00
