Hraparak.am-ի տեղեկություններով՝ Քաղավիացիայի վարչության պետ Տաթեւիկ Ռեւազյանը երեկ երեկոյան լքել է Հայաստանը։ Պարբերականի տեղեկություններով՝ նա վաղուց էր որոշել, որ ծննդաբերելու է Դանիայում, որպեսզի երեխան Դանիայի քաղաքացի լինի, սակայն վերջին օրերի իրադարձությունները, հատկապես՝ Աէրոնավիգացիոն կենտրոնի տնօրենի՝ կորոնավիրուսով վարակվելու փաստը արագացրել է նրա մեկնում։ Նա երեկ առավոտյան ճեպազրույց է տվել կառավարության մոտ, իսկ երեկոյան՝ գնացել օդանավակայան ու թռել, ասելով՝ Հայաստանում մնալն ապահով չէ։ Նշվում է, որ նա առնվազն 6 ամիս կմնա Դանիայում, իսկ այստեղ նրան արդեն փոխարինող են նշանակել։ Մեր զանգերին Քաղավիացիայից ողջ օրվա ընթացքում չպատասխանեցին։