Շոտլանդական «Ռեյնջերսի» գլխավոր մարզիչ, «Լիվերպուլի» լեգենդար ֆուտբոլիստ Սթիվեն Ջերարդը նշել է Անգլիայի փոխչեմպիոնի այն ֆուտբոլիստին, առանց որի «Լիվերպուլը» չէր կարող մեծ հաղթանակների հասնել: «Կան ֆուտբոլիստներ, որոնք մշտապես կայուն խաղ են ցուցադրում և ամեն օր մարտական են տրամադրված: «Լիվերպուլի» ներկայիս կազմում այդպիսի ֆուտբոլիստ է Ջորդան Հենդերսոնը, առանց որի «Լիվերպուլը» չէր կարող լուրջ հաջողություններ գրանցել: Ես խաղացել եմ Հենդերսոնի հետ և գիտեմ՝ ինչ ծավալի աշխատանք է նա կատարում խաղադաշտում»,- Daily Mail-ի հաղորդմամբ՝ ասել է Ջերարդը: Նշենք, որ Պրեմյեր լիգայի ընթացիկ առաջնությունում 29-ամյա Ջորդան Հենդերսոնը մասնակցել է 25 հանդիպման՝ դառնալով 3 գոլի ու 5 գոլային փոխանցման հեղինակ: