Հայաստանի ֆուտբոլի չեմպիոն «Արարատ-Արմենիա»-ն հաղթանակ տոնեց ուսումնամարզական հավաքի վերջին խաղում: Կիպրոսում հավաք անցկացնող «Արարատ-Արմենիա»-ն մրցեց և 2:1 հաշվով  առավելության հասավ «Լիպայա»-ի նկատմամբ: Հայկական ակումբի կազմում աչքի ընկան Սանոգոն և Կովվալկոն: Հայաստանի ֆուտբոլի առաջնությունը կվերսկսվի փետրվարի 28-ին: Այժմ բարձրագույն խմբի մրցաշարային աղյուսակը գլխավորում է «Լոռի»-ն, որն ունի 28 միավոր: 27-ական միավոր ունեն «Արարատ-Արմենիա»-ն, «Ալաշկերտ»-ը և «Արարատ»-ը: 25 միավորով 5-րդ տեղում «Շիրակ»-ն  է, «Նոա»-ն ունի 24 միավոր: «Փյունիկ»-ն իր ակտիվում ունի 20, «Ուրարտու»-ն` 17, «Գանձասար-Կապան»-ը` 14 միավոր: Միավոր չունի «Երևան»-ը: