Հայաստանի ԱԻՆ-ում, հունվարի 15-ին, ժամը 03։23-ին «911» ծառայություն ահազանգ է ստացվել, որ Կոտայքի մարզի Ծաղկաձոր քաղաքի Մագիստրոսի փողոցում՝ «Արարատ» բանկի մոտակայքում, այրվում է կայանած ավտոմեքենա։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Մագիստրոսի փողոցի թիվ 2 շենքի մոտակայքում այրվում է «Nissan Teana» մակնիշի ավտոմեքենա (վարորդ՝ Լեյլի Խ.): Հրդեհը մեկուսացվել է ժամը 03:42-ին, մարվել՝ 04:14-ին: Այրվել են ավտոմեքենայի շարժիչի հատվածն ու սրահը՝ ամբողջությամբ եւ առջեւի ձախ անվադողը: