Հայկական բնապահպանական ճակատ նախաձեռնության ֆեյսբուքյան գրառման մեջ ասվում է. 2020 թվականը Ջերմուկը դիմավորեց զբոսաշրջիկների և Ամանորը նշողների աննախադեպ հոսքով։ Տեղացիները պատմում են, որ քաղաքի բոլոր առողջարանները, հյուրանոցները, հյուրատներն ու վարձով բնակարանները զբաղեցված էին Հայաստանի տարբեր մասերից և արտերկրից ժամանած հյուրերով։ Նույնիսկ հարակից Կեչուտ և Գնդեվազ բնակավայրերում էին մարդիկ վարձակալել տներ ու բնակարաններ՝ Նոր տարին Ջերմուկի հրաշագեղ բնության գրկում դիմավորելու համար։   Այսպես է լինում, երբ հանքահանությամբ զբաղվողներին առողջարանային քաղաքի բնակիչները մերժում են և իրենց իսկ ուժերով զարկ են տալիս քաղաքի հարատև ու անվտանգ զարգացման հիմնական ուղղությանը։   Կարելի է միայն ենթադրել, թե ինչպիսի աճ կլինի, եթե նաև պետական լուրջ և մտածված աջակցություն իրականացվի Ջերմուկում։ Բայց ավելի կարևոր է, որ ուղղակի չխանգարեն մարդկանց ապրել բնության հետ ներդաշնակ՝ տասնամյակների ընթացքում իրենց իսկ ստեղծած միջավայրում։