Իրանագետ Վարդան Ոսկանյանը ֆեյսբուքյան իր էջում գրել է. «Իրանում ատրպատականյան թյուրքերենով հեռարձակվող «Սահանդ» ալիքով ռեպորտաժ է երկրի հոգևոր առաջնորդի՝ իրանաիրաքյան պատերազմում զոհված ասորի զինվորի ընտանիք Ամանորի կապակցությամբ այցելության մասին։ Այաթոլլահ սեյյեդ Ալի Խամենեին պարբերաբար հիշատակում է հայերին, ասելով՝ հայերի շրջանում այսինչ բանն այսպես է, իսկ ասորիներինն ինչպե՞ս է։ Ուշագրավ է, որ Իրանի հոգևոր առաջնորդը, դատելով հարցերից, բավական տեղեկացված է մեր առաքելական եկեղեցու մասին»։