ԱԺ «Իմ քայլը» խմբակցության պատգամավոր Սոֆյա Հովսեփյանը ֆեյսբուքյան իր էջում գրել է. «Ամանորի այս տոնական օրով կուզենայի չանդրադառնալ նմանատիպ գրառումներին, բայց... Հայեր ջան կողմնորոշվե՜ք... Պապս կասեր. «Հեռու զուռնի ձենն անուշ է»: Շատ ընկերներիս մոտ նկատեցի Զելինսկու շնորհավորանքը և որ «մենք պետք է օրինակ վերցնեինք իրենցից» կցագրով: Լավ ե՞ք: Ո՞վ ենք մենք: Ո՞վ եմ ես: Հա, այդ հարցը իրենք իրենց պարտավոր են տալ, քանի որ ունեն կես ժամանոց պատմություն : Ո՞վ ենք մենք: Ո՞վ եմ ես: Ո՞վ եք դուք... Միշտ դժգոհ, միշտ չգոհացող, միշտ քննադատող, միշտ այլոց ոչինչը ամեն ինչ համարող, բայց ունեցած սեփական փայլը անտեսող ու չգնահատող, թե՞ ճիշտ հակառակը: Ես համարում եմ, որ մենք շատ լավ գիտենք, թե ո՞վ ենք, ի՞նչ ենք ուզում, ո՞ւր ենք գնում և ո՞ւր պետք է հասնենք: Հավատացեք ձեզ, մեզ: Մենք կարող ենք ու մենք դա գործով ապացուցել և ապացուցելու ենք»: