Խոշոր ավտովթար Կոտայքի մարզում. բախվել են 29–ամյա վարորդի ВАЗ 21154-ը և 32-ամյա վարորդի Nissan-ը. վերջինը գլխիվայր շրջվել է. կա վիրավոր

Այսօր՝ դեկտեմբերի 31-ին, խոշոր ավտովթար է տեղի ունեցել Կոտայքի մարզում: Ժամը 14:30-ի սահմաններում Հրազդան քաղաքի Կենտրոն թաղամասի ավտոկայարանի դիմաց բախվել են Հրազդան քաղաքի բնակիչ, 29-ամյա Զորիկ Ս.-ի վարած ВАЗ 21154 մակնիշի 36 PD 467 hամարանիշի և Սևան քաղաքի բնակիչ, 32-ամյա Սուրեն Կ.-ի վարած Nissan մակնիշի 36 NT 142 համարանիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, բախման հետևանքով Nissan-ը դուրս է եկել ճանապարհի երթևեկելի գոտուց, գլխիվայր շրջվելով՝ հայտնվել գազոնում: Օպերատիվորեն դեպքի վայր են ժամանել ճանապարհային ոստիկանության 2-րդ սպայական գումարտակի 3-րդ վաշտի 2-րդ դասակի ծառայողները՝ վաշտի հրամանատար Արթուր Պետրոսյանի, դասակի հրամանատար Սարգիս Բագրատյանի գլխավորությամբ Օպերատիվորեն ժամանել են նաև Արտակարգ իրավիճակների նախարարության փրակարար ծառայության Հրազդանի հրշեջ-փրկարարական ջոկտաը՝ 1 մարտական հաշվարկով: Փրկարարները , ոստիկաններն ու քաղաքացիները Nissan-ի միջից դուրս են բերել վարորդին, որից հետո օպերատիվորեն ժամանած Հրազդանի բժշկական կենտրոնի բժիշկների հերթապահ խումբը նախ տեղում օգնություն են ցուցաբերել, ապա տեղափոխել հիվանդանոց: Փրկարարները հոսանքազրկել են ավտոմեքենաները, փակել գազաբալոններն ու դարձի բերել ավտոմեքենան: Տեղում հետաքննչական աշխատանքները ղեկավարել է ՃՈ 2-րդ սպայական գումարտակի 3-րդ վաշտի ավագ հետաքննիչ Արթուր Մինասյանը, ում կողմից փաստի առթիվ նյութեր են նախապատրաստվում: Օպերատիվորեն ժամանել է նաև ոստիկանության Հարզդանի բաժնի օպերատիվ խումբը՝ բաժնի պետ Արտակ Ղազարյանի գլխավորությամբ:

SHAMSHYAN.com