ՀՀ Ազգային ժողովի մարդու իրավունքների պաշտպանության հանձնաժողովի պատգամավորները այցելել են ՀՀ պաշտպանության նախարարության հանրապետական կենտրոնական հավաքակայան՝ ձմեռային զորակոչի ընթացքին հետեւելու նպատակով: Պատգամավորները շրջել են հավաքակայանի բոլոր բաժիններով, զրուցել զինակոչի պատասխանատուների եւ ամենակարեւորը՝ զինվորների ու նրանց ծնողների հետ, հետեւել վիճակահանության գործընթացի կազմակերպմանն ու անցկացմանը: