Ֆրանսիայի չեմպիոն ՊՍԺ-ն ցանկանում է ամեն գնով ձեռք բերել Միլանի «Ինտերի» արգենտինացի հարձակվող Մաուրո Իկարդիի տրանսֆերային իրավունքը, տեղեկացնում է Football-Italia-ն: ՊՍԺ-ն առաջիկայում բանակցություններ կսկսի «Ինտերի» հետ և 26-ամյա հարձակվողի տրանսֆերային իրավունքի դիմաց կառաջարկի 70 միլիոն եվրո: Հիշեցնենք, որ Մաուրո Իկարդին վարձակալությամբ ՊՍԺ է տեղափոխվել ամառային տրանսֆերային պատուհանի ընթացքում: Արգենտինացի հարձակվողի ծառայություններով հետաքրքրված են նաև Թուրինի «Յուվենտուսն» ու Մադրիդի «Ռեալը»: