Անգլիայի փոխչեմպիոն «Լիվերպուլի» գլխավոր մարզիչ Յուրգեն Կլոպը Պրեմյեր լիգայի 15-րդ տուրում «Էվերտոնի» նկատմամբ հաղթանակ տանելուց հետո հայտարարել է, որ գոհ է ընթացիկ մրցաշրջանում իր գլխավորած թիմի մրցելույթներից:
«Մենք լավ հանդիպում անցկացրեցինք և կարևոր միավորներ վաստակեցինք: Նախորդ մրցաշրջանում «Լիվերպուլը» 38 անընդմեջ խաղերում հաղթանակ տարավ, սակայն չկարողացավ Անգլիայի չեմպիոն դառնալ: Հուսով եմ, որ այս մրցաշրջանում մեզ կհաջողվի չկրկնել այդ սխալը:
«Լիվերպուլն» իդեալական է անցկացնում մրցաշրջանը: Առջևում մեզ կարևոր հանդիպումներ են սպասվում, և ես լիահույս եմ, որ մենք կկարողանանք հաղթանակ տանել բոլոր խաղերում»,- Կլոպի խոսքը փոխանցում է «Լիվերպուլի» մամուլի ծառայությունը:
Հիշեցնենք, որ «Լիվերպուլը» հաղթանակ տարավ «Էվերտոնի» նկատմամբ 5:2 հաշվով:
00:00:00
