Այսօր Ազգային ժողովում հրավիրված մամուլի ասուլիսի ժամանակ «Իմ քայլը» խմբակցության ղեկավար Լիլիթ Մակունցն անդրադառնարձավ ԱԱԾ նախկին տնօրեն Արթուր Վանեցյանի այն հայտարարությանը, թե Սորոսի գրասենյակը ՀՀ-ում վտանգներ է պարունակում: Մակունցը նշեց, թե Վանեցյանի հայտարարություններն իրմոտ տարակուսանք են առաջացնում, ուստի ենթադրում է, որ դրա պարզաբանումը ԱԱԾ նախկին տնօրենը կտա: «Այն մեկնաբանությունները, որոնք արվում են «Բաց հասարակության» հիմնադրամի վերաբերյալ, արվում էին դեռ վաղուց, այն ժամանակ, երբ պարոն Վանեցյանն ԱԱԾ տնօրեն էր: Գրեթե ամեն օր էին արվում այդ հայտարարությունները, և ես վստահ եմ, որ եթե պարոն Վանեցյանը որևէ կերպ ազգային անվտանգությանն առնչվող հարց լիներ, վստահ եմ, որ պարոն Վանեցյանը կձեռնարկեր բոլոր անհրաժեշտ քայլերը: Եթե պարոն Վանեցյանն այդ գործողությանը չի դիմել, պետք է վստահ լինենք, որ վտանգ չի տեսել»,-նշեց Լիլիթ Մակունցը: Նա ասաց նաև, որ Արթուր Վանեցյանի հայտարարություններն իսկապես անսպասելի էին, եւ հույս հայտնեց, որ Ազգային անվտանգության ծառայության նախկին տնօրենը կպատասխանի լրագրողներին եւ հասարակությանը հուզող բոլոր հարցերին։