Նոյեմբերի 16-ին Գյումրի քաղաքի Տրդատ Ճարտարապետ փողոցի շենքերից մեկի 3-րդ հարկից ընկած աղջկա մոտ դրական դինամիկա կա, նա տեղափոխվել է վնասվածքաբանության բաժին: Այս մասին NEWS.am-ին հայտնեց Գյումրու բժշկական կենտրոնի փոխտնօրեն Արմեն Խաչատրյանը` նշելով, որ հետագայում 28-ամյա աղջիկը վիրահատության կենթարկվի: Նշենք, որ աղջիկը բնակվել է հոր եւ եղբոր ընտանիքի հետ, կատարվածն էլ անզգուշության արդյունք չի եղել, այլ ինքնասպանության փորձ: Ավելի վաղ հայտնել էինք, որ աղջիկն ունի գանգուղեղային վնասվածք, դեմքի ոսկրերի կոտրվածք, կոնքի կոտրվածք, ազդոսկրի բազմաբեկոր բաց կոտրվածք, ձախից թոքի սալջարդ, տրավմատիկ շոկ, բժիշկները պայքարում էին նրա կյանքի համար: