Ոստիկանության Կոտայքի բաժնում տեղեկություններ էին ստացվել, որ Մայակովսկի գյուղի 32-ամյա մի բնակիչ, որը նախկինում բնակարանային գողությունների համար դատապարտվել էր և ամիսներ առաջ էր միայն քրեակատարողական հիմնարկից ազատվել, դարձյալ գողություններ է անում:
Ձեռք բերված տեղեկությունների իսկությունը ստուգելուց հետո, ոստիկանության Կոտայքի մարզային վարչության ծառայողների հետ համատեղ միջոցառումներով, բաժնի քրեական հետախույզները նոյեմբերի 19-ին կասկածվողին բերման ենթարկեցին ոստիկանության Կոտայքի բաժին:
Պարզվել է, որ նա վերջին ամիսներին Աբովյան քաղաքի և Մայակովսկի գյուղի վարչական տարածքներում 10 բնակարանային գողություն է կատարել:
Հանգամանքները պարզվում են:
Կասկածվողը տվել է խոստովանական բացատրություն և ձերբակալվել:
Կատարվում է նախաքննություն:
00:00:00
