Գերմանացի զբոսաշրջիկներին Լեհաստանից Գերմանիա տեղափոխող ավտոբուսը Համբուրգից ոչ հեռու մայրուղու վրա շրջվել է, ինչի հետեւանքով տուժել է 32 մարդ: Ինչպես տեղեկացնում է  «ՌԻԱ Նովոստի»-ին, այս մասին գրել է Bild թերթը: Դեպքը տեղի է ունեցել շաբաթ օրը` ժամը 5:35-ին: Ավտոբուսը դուրս է եկել մայրուղու երթեւեկելի մասից, բախվել արգելափակոցին եւ շրջվել: Ավտոբուսում 48 ուղեւոր է եղել, որոնցից 32-ը թեթեւ վնասվածքներ են ստացել: Պատահարի պատճառները դեռ հստակեցված չեն: