Հայաստանի ԱԻՆ-ում, այսօր՝ նոյեմբերի 8-ին, ժամը 03։39-ին «911» ծառայություն տեղեկություն է հաղորդվել, որ Լոռու մարզի Տաշիր քաղաքի 3-րդ թաղամասի Գետափնյա փողոցում այրվում է տուն: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել է ժամը 04։20-ին, մարվել՝ 05։55-ին։ Այրվել են տան (մոտ 90 քմ) տանիքը՝ մասամբ, խոհանոցն՝ ամբողջությամբ (գույքով), հյուրասենյակի առաստաղը եւ գույքը՝ մասամբ, ջերմահարվել են երկու ննջասենյակների պատուհանները եւ առաստաղները: