«911» ծառայություն նոյեմբերի 2-ին, ժամը 12:16-ին  ահազանգ է ստացվել, որ հրդեհ է բռնկվել Երևանի Ներքին Չարբախ թաղամասի  5-րդ փողոցի տներից մեկում: Ինչպես հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ Ներքին Չարբախ թաղամասի 5-րդ փողոցի տներից մեկի նկուղում այրվում են կուտակած փայտ և կենցաղային իրեր (75 խմ): Հրդեհը մեկուսացվել է ժամը 13:03-ին, մարվել՝ 14:29-ին: