Հոկտեմբերի 11-ին, ժամը 10:45-ին «911» ծառայություն տեղեկություն է հաղորդվել, որ Քանաքեռավան-Մրգաշեն ավտոճանապարհին տեղի է ունեցել ՃՏՊ՝ բախվել է երկու ավտոմեքենա, կան արգելափակված քաղաքացիներ. անհրաժեշտ է փրկարարների օգնությունը:
Պարզվել է, որ բախվել են «Opel Astra G» (վարորդ` Սեյրան Ս., ծնված 1975 թ.) և «ՎԱԶ-2107» (վարորդ՝ Սերյան Մ., ծնված 1980 թ.) մակնիշների ավտոմեքենաները:
«ՎԱԶ-2107» մակնիշի ավտոմեքենայի վարորդը և ուղևորը՝ Արմեն Մ.-ն (ծնված 1985 թ.), ինքնուրույն դուրս են եկել ավտոմեքենայից: Շտապօգնության աշխատակիցները վերջիններիս տեղում ցուցաբերել են համապատասխան բուժօգնություն, ապա հոսպիտալացրել «Արմենիա» ՀԲԿ:
Փրկարարները հոսանքազրկել են «ՎԱԶ-2107» մակնիշի ավտոմեքենան և փակել «Opel Astra G» մակնիշի ավտոմեքենայի գազի բալոնի փականը:
