Լվովի օդանավակայանի մոտակայքում բեռնատար Ան-12 օդանավը վթարային վայրէջք է կատարել, զոհվել է 5 մարդ, հաղորդում է svoboda.org-ը: Ուկրաինայի ԱԻ պետական ծառայության տվյալներով՝ օդանավում եղել է 8 մարդ: Նրանցից 3-ը փրկվել են: Նախնական տվյալներով՝ ինքնաթիռն Իսպանիայից չվերթ է իրականացրել դեպի Ստամբուլ: Օդանավի վառելիքը վերջացել է, եւ անձնակազմը որոշել է Լվովի օդանավակայանում վերալիցքավորել ինքնաթիռը, սակայն չի հասել թռիչքուղի: Այն ընկել է թռիչքուղուց մոտ 1,5 կմ-ի վրա: Առայժմ չի նշվում, թե որ երկրի քաղաքացի են անձնակազմի անդամները: