Հատուկ քննչական ծառայությունում առաջիկայում կոռուպցիոն գործերով նորություններ են սպասվում: Այս մասին ՀՔԾ պետ Սասուն Խաչատրյանն ասաց լրագրողների հետ ճեպազրույցում: «Հետևեք մեր լուրերին, մեր կայքին և առաջիկայում կտեսնենք կոռուպցիոն գործերով նորություններ»,- նշեց ՀՔԾ պետը և փակագծերը չբացեց, թե հատկապես ում մասին է խոսքը: Խոսելով մամուլում շրջանառվող իր հրաժարականի մասին լուրերի մասին՝ Սասուն Խաչատրյանն ասաց, որ բամբասանքներ չի մեկնաբանում: