Այսօր՝ սեպտեմբերի 18-ին, խոշոր ավտովթար է տեղի ունեցել Երևանում, հայտնում է Shamshyan.com-ը։ Ժամը 22։10-ի սահմաններում Mitsubishi Grandis մակնիշի ավտոմեքենայի վարորդը Իսակովի պողոտայում դեռևս անհայտ հանգամանքներում դուրս է եկել երթևեկելի գոտուց, բախվել ճանապարհի բաժանարար բետոնե պատնեշին և մասամբ հայտնվել ճանապարհի մեջտեղում։ Վթարից տուժած վարորդն ու ուղևորը մարմնական վնասվածքներով տեղափոխվել են «Աստղիկ» բժշկական կենտրոն։ Փաստի ոստիկանության կողմից նյութեր են նախապատրաստվում։