Երեկ՝ սեպտեմբերի 11-ին, վրաերթ է տեղի ունեցել Տավուշի մարզում։ Ժամը 21։30-ի սահմաններում Դիլիջան քաղաքի բնակիչ՝ 55-ամյա Հովհաննես Պ-ն իր վարած Ford Transit մակնիշի 35 ՏV 542 համարանիշի ավտոմեքենայով Դիլիջան քաղաքի Կալենինի փողոցի վերջնամասում վրաերթի է ենթարկել Դիլիջանի բնակիչ՝ 62-ամյա Էդվարդ Թ-ին։ Ինչպես հայտնում է Shamshyan.com-ը, վարորդը փոխուստի չի դիմել, իր ավտոմեքենայով վրաերթի ենթարկվածին տեղափոխել է Դիլիջանի բժշկական կենտրոն, այնուհետև դեպքի մասին ահազանգել է ոստիկանության Դիլիջանի բաժին։ Դեպքի վայր են ժամանել ճանապարհային ոստիկանության 2-րդ սպայական գումարտակի 4-րդ վաշտի 2-րդ դասակի ծառայողները՝ վաշտի հրամանատար Էդգար Սուսլիյանի, դասակի հրամանատար Կարեն Աբազյանի գլխավորությամբ։ Ժամանել են նաև ոստիկանության Դիլիջանի բաժնի օպերատիվ խումբը՝ բաժնի պետի տեղակալ Խաչատրյանի գլխավորությամբ։