ՀՀ Արտակարգ իրավիճակների նախարարությունից տեղեկացնում են, որ սեպտեմբերի 11-ին, ժամը 13:48-ին «911» ծառայություն ահազանգ է ստացվել, որ հրդեհ է բռնկվել Կոտայքի մարզի Ձորաղբյուր գյուղում գտնվող կահույքի արտադրամասում: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է նախկին գիպսակարդոնի արտադրամասում: Հրդեհը մեկուսացվել է ժամը 14:08-ին, մարվել՝ 14:40-ին: Այրվել է գիպսակարդոնի հումք (մոտ 3 խմ):