ՀՊՏՀ գիտական խորհուրդը Դիանա Գալոյանի նախագահությամբ նախկին պաշտոնակատար Ռուբեն Հայրապետյանի զրկել է նրան որպես պրոֆեսոր լսարան մտնելու հնարավորությունից: Այս մասին տեղեկանում ենք ուսանողների տարածած հաղորդագրությունից:
«Ակնհայտ պայմանավորվածությամբ քվեաթերթիկները անվավեր դարձնելով, տապալեց մրցութային հանձնաժողովների որոշումը: Որպեսզի հասարակության և ուսանողների դժգոհության մեծ ալիքն ինչ-որ կերպ մեղմվի, գիտական խորհուրդը պատրաստեց առանձին հայտարարություն, որի մեջ նշվում է, թե իբր մրցույթի արդյունքում հրավիրված բոլոր բարձրակարգ մասնագետները ներգրավվելու են, սակայն հայտարարության մեջ կոծկվում է, որ մրցույթի տապալման միջոցով համալսարանի նոր ղեկավարությանը կրճատելու է մրցույթով անցած մասնագետների համար նախապես սահմանված դասաժամերը, որպեսզի հետ վերադարձնի մրցույթը չանցած ցածրորակ դասախոսների գերակշիռ մեծամասնությանը, որոնց հետ համալսարանի ռեկտորի նոր ժ/պ Դիանա Գալոյանն ունեցել է նախնական պայմանավորվածություն:
Հատկապես անընդունելի է, որ, օգտվելով նախորդ ղեկավարության կատարած հսկայածավալ աշխատանքից, համալսարանի նոր ղեկավարությունը խեղաթյուրում է մրցույթի արդյունքները՝ միաժամանակ ձևացնելով, որ բարեփոխումների գործընթացները շարունակվում են: Թյուրիմացության մեջ գցելով հասարակությանը և ուսանողներին՝ Ռուբեն Հայրապետյանի ջանքերի միջոցով հավաքագրված մասնագետների մասին ընդամենը արձանագրում են, որ նրանք ստանալու են դասաժամեր՝ առանց ազնվորեն տեղեկացնելու, որ նրանց դասաժամերը կրճատվելու են, որպեսզի նոր ղեկավարությունը կարողանա կատարել մի քանի տասնյակ դժգոհող և մրցույթը չհաղթահարած դասախոսների նկատմամբ ստանձնած պարտավորությունը: Հայտարարում ենք, որ որպես համալսարանի շահառու՝ դեմ ենք այս անարդարությանը և որևէ դեպքում չենք հանդուրժելու հազարավոր ուսանողների շահերի դեմ ուղղված այս դավադրությունը»,- ասված է հայտարարության մեջ:
Հիշեցնենք, որ Դիանա Գալոյանը ՀԱԿ անդամ Զոյա Թադեւոսյանի աղջիկն է եւ մամուլի հրապարակումների համաձայն խիստ մտերմիկ հարաբերությունների մեջ է ԿԳՄՍ փոխնախարար Գրիշա Թամրազյանի հետ:
00:00:00
