Օգոստոսի 27-ին, ժամը 15:18-ին«911» ծառայությունում ահազանգ է ստացվել, որ Շիրակի մարզի Վարդաքար գյուղի տարածքում՝ դաշտամիջյան հատվածում, այրվում է խոտածածկ տարածք: Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ հրդեհը բռնկվել է Վարդաքար-Այգաբաց ավտոճանապարհի 2-րդ կմ-ի աջակողմյան հատվածում: Հրդեհը մեկուսացվել է ժամը 16:37-ին, մարվել՝ 17:12-ին: Այրվել է մոտ 10 հա խոտածածկույթ: