Օգոստոսի 15-ին, ժամը 14:45-ին «911» ծառայությանն ահազանգ է ստացվել, որ Վայոց ձորի մարզի Ջերմուկ քաղաքում` «Արմենիա» առողջարանային համալիրի մոտակայքում, ծառի ճյուղը կոտրվել և ընկել է կայանած ավտոբուսի վրա. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ ծառի ճյուղը պոկվել և ընկել է «Neoplan» մակնիշի ավտոբուսի վրա:
Փրկարարները ճյուղը հեռացրել են ավտոմեքենայի վրայից:
00:00:00
