Համահայկական ամառային խաղերի կոմիտեի նախագահ Իշխան Զաքարյանն ու խաղերի գործադիր մարմնի անդամները ՀՀ վարչապետ Նիկոլ Փաշինյանի հետ քննարկել են Համահայկական խաղերի ընդլայնման հնարավորությունները: Ինչպես Արցախից հաղորդում է «Արմենպրես»-ի թղթակիցը, այս մասին Զաքարյանն ասաց օգոստոսի 6-ին լրագրողների հետ զրույցում` պատասխանելով հարցին, թե ինչպիսին են այժմ իր և վարչապետ Նիկոլ Փաշինյանի հարաբերությունները:
«Շատ լավ, շատ գործնական, լիարժեք փոխըմբռնման մթնոլորտ կա և' ՀՀ վարչապետի, և' Արցախի նախագահի կողմից: Այսօր էլ Հայաստանի Հանրապետության վարչապետի հետ մեր գործադիր մարմնի անդամներով քննարկում էինք ապագայում Համահայկական խաղերի ընդլայնման հնարավորությունների խնդիրները»,- ասաց Զաքարյանը:
00:00:00
