Հարավային Կալիֆոռնիայի հանրահայտ լողափում ժայռի փլուզման հետեւանքով զոհվել է 3 մարդ, վիրավորվել՝ 2-ը, հայտնում է Associated Press-ը՝ վկայակոչելով տեղական ոստիկանությանը:
Պատահարի վայրում մահացել է մի կին, եւս 2 տղամարդ մահացել են հիվանդանոցում:
Փրկարարները դեռ պետք է ավազի տակից հանեն պատահարի եւս մի քանի զոհի:
Փլուզման պահին լողափը մարդկանցով լեփ-լեցուն էր:
Փլուզումը տեղի է ունեցել տեղական ժամանակով մոտ 15:00-ին Սան Դիեգո շրջանի Էնսինիտաս քաղաքում Գրանդվյու Բիչում:
Նշվում է, որ այս շրջանը չափազանց հայտնի է տեղացիների, սերֆերների եւ հանգստացողների շրջանում:
00:00:00
