Հուլիսի 19-ին, ժամը 01:39-ին «911» ծառայությանն ահազանգ է ստացվել, որ հրդեհ է բռնկվել Երևան քաղաքի Գրիգոր Զոհրապի փողոցի տներից մեկի տանիքում: Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ և Ճգնաժամային կառավարման ազգային կենտրոնի օպերատիվ խումբը: Հրդեհը մեկուսացվել է ժամը 02:22-ին, մարվել՝ 02:35-ին: Այրվել են տան տանիքի փայտյա կառուցատարրերը (20 քմ), ստվարաթուղթ (0.5 խմ) և 1 աթոռ: