Հուլիսի 13-ին, ժամը 13:54-ին «911» ծառայությանն ահազանգ է ստացվել, որ Աշտարակ-Բյուրական ավտոճանապարհի աջակողմյան հատվածում այրվում է խոտածածկ տարածք: Դեպքի վայր են մեկնել ԱԻՆ ՓԾ հրշեջ-փրկարարական ջոկատից չորս մարտական հաշվարկ և մարզային փրկարարական վարչության օպերատիվ խումբը: Պարզվել է, որ Փարպի, Ագարակ և Աղձք գյուղերի դաշտերում առկա է հրդեհի 5 օջախ: Հրդեհը մեկուսացվել է ժամը 17:19-ին, մարվել՝ 17:47-ին: Երևան-Գյումրի ավտոճանապարհի 23-րդ կմ-ի մոտակայքում 2 օջախով այրվել է մոտ 50 հա խոտածածկույթ, ինչպես նաև մասնակի այրվել և ջերմահարվել՝ մոտ 130 պտղատու ծառ: Ագարակ գյուղի սկզբնամասում 2 օջախով այրվել է մոտ 4 հա խոտածածկույթ, իսկ Աղձք գյուղի սկզբնամասում՝ մոտ 5000 քմ խոտածածկույթ և մասնակի ջերմահարվել՝ 10 պտղատու ծառ: