Հայաստանի ԱԻՆ-ում, հուլիսի 12-ին, ժամը 23:28-ին «911» ծառայությանն ահազանգ է ստացվել, որ Արարատի մարզի Խաչփառ գյուղում տեղի է ոնեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Խաչփառ գյուղի սկզբնամասում «Corolla» մակնիշի ավտոմեքենան (վարորդ` Ա.Մ.) դուրս է եկել ճանապարհի երթեւեկելի հատվածից եւ շրջվել. տուժածներ չկան: Փրկարարները հոսանքազրկել են ավտոմեքենան: