Արգենտինայի Ռոսարիո քաղաքում գտնվող ռեստորաններից մեկը, որը պատկանում է «Բարսելոնայի» և Արգենտինայի հավաքականի հարձակվող Լիոնել Մեսսիին, բարեգործական ակցիա է իրականացնում։ Ինչպես տեղեկացնում է Marca-ն, 32-ամյա ֆուտբոլիստի ռեստորանը բարեգործության շրջանակում կերակրում է անտուն մարդկանց։ Ակցիան մեկնարկել է հուլիսի 5-ին։ Այս ընթացքում Ռոսարիոյում բնակարան չունեցող անձանց օրական մեկ բաժին ճաշ է տրվում։