Հուլիսի 4-ին ոստիկանության Բազումի բաժնի ծառայողները, օպերատիվ տվյալներն իրացնելիս, գողություն կատարելու կասկածանքով ոստիկանություն բերման են ենթարկվել 50-ամյա մի քաղաքացու։ Ոստիկանությունից հայտնում են, որ նա խոստովանել է, որ հունիսի վերջերին պատուհանը կոտրելու միջոցով մտել է Սունդուկյան փողոցի տներից մեկն ու գողացել գորգ, այն վաճառել է անծանոթ մեկին: Վնասի չափը պարզվում է: Ձեռնարկվում են միջոցառումներ տուժողին եւ գողոնը հայտնաբերելու ուղղությամբ: Նախապատրաստվում են նյութեր: