Կառավարությունն այսօր որոշեց մի շարք բուհերում շինարարական և վերակառուցման, նոր տեխնոլոգիաների ներդրման, տեխնիկական վերազինման համար ֆինանսական միջոցներ հատկացնել։ Նիստի ընթացքում ԿԳՄՍ նախարար Արայիկ Հարությունյանը զեկուցեց` ագրոճարտարագիտական լաբորատորիայի գերազանցության կենտրոն կստեղծվի Ագրարային համալսարանում, ուսանողական ավանի շենքի հիմնանորոգում և գույքով ապահովում տեղի կունենա, Ֆիզիկական կուլտուրայի և սպորտի ինստիտուտի շենքը կվերանորոգվի, Երևանի պետական կոնսերվատորիայի շենքը կվերանորոգվի,Գորիսի պետական համալսարանի շենքը ևս։ Կահավորումների և նորոգումների գումարը կկազմի 1,7 միլիարդ դրամ։ Դրանից բացի, նախարարությունը մտադիր է նորոգման և շինարարական այլ աշխատանքներ իրականացնել Երևանի թիվ 8 արհեստագործական պետական ուսումնարանում, Երևանի Առնո Բաբաջանյանի անվան պետական երաժշտամանկավարժական քոլեջում, Բերդի պետական քոլեջում։ Վերոնշյալ ծրահրորի իրականավման համար կծախսվի 883 միլիոն դրամ։