Ստեփանակերտում, հունիսի 27-ին ժամը 19:45-ին, Շ. Դանիելյան եւ Մարտունի փողոցների հատման խաչմերուկում իրար են բախվել Երեւան քաղաքի բնակիչ, 36-ամյա Ա. Ս-ի վարած «FORD TRANSIT» մակնիշի, Ստեփանակերտ քաղաքի բնակիչներ 37-ամյա Ա. Հ-ի վարած «MERCEDES-BENZ E 350 4» մակնիշի եւ 39-ամյա Է. Հ-ի վարած «ՈՒԱԶ 315140» մակնիշի ավտոմեքենաները: Արցախի ոստիկանությունից հայտնում են, որ վթարի հետեւանքով «FORD TRANSIT»-ի ուղեւորուհին, Մարտակերտի շրջանի բնակչուհին 15-ամյա Մ. Օ.-ն ստացել է մարմնական վնասվածք եւ տեղափոխվել «Արեւիկ» մանկական բուժմիավորում: Նշանակվել է դատաբժշկական փորձաքննություն: Նախնական տվյալներով պատահարի պատճառ է հանդիսացել «FORD TRANSIT» մակնիշի ավտոմեքենայի վարորդի կողմից գլխավոր ճանապարհով երթեւեկող տրանսպորտային միջոցին չզիջելը։ Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: