Հունիսի 13-ին, ժամը 15:38-ին, «911» ծառայությանը տեղեկություն է ստացվել, որ Մասիս-Էջմիածին խճուղու թիվ 2 հասցեի մոտակայքում տեղի է ունեցել ՃՏՊ: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ բախվել են «ՎԱԶ-2107» և «BMW» մակնիշների ավտոմեքենաները: Փրկարարները «ՎԱԶ-2107» մակնիշի ավտոմեքենայից դուրս են բերել ուղևոր Հ.Հ.-ին (ծնված 1989 թ.), ով տեղափոխվել է Մասիսի ԲԿ, այնուհետև հոսպիտալացվել՝ Էրեբունի ԲԿ: Փրկարարները հոսանքազրկել են ավտոմեքենաները և փակել գազի բալոնների փականները: