Հունիսի 8-ին, ժամը 13։34-ին «911» ծառայությանն ահազանգ է ստացվել, որ Երևան-Երասխ ավտոճանապարհին` Մասիս քաղաքի կամրջի մոտ, տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Երևան-Երասխ ավտոճանապարհի 13-րդ կմ-ին բախվել են «ՎԱԶ-2103», «Opel Vectra» և «Subaro» (վարորդ՝ Վ.Կ., ծնված 1970 թ.) մակնիշների ավտոմեքենաները: Փրկարարները քաղաքացիների օգնությամբ շտապօգնության ավտոմեքենային են մոտեցրել տուժածներին, այնուհետև վերջիններս հոսպիտալացվել են «Էրեբունի» ԲԿ, որտեղ բժիշկները գրանցել են Վ.Կ.-ի և մեկ այլ անձը չպարզված քաղաքացու մահը, իսկ Ա. Ա.-ի (ծնված 1986 թ.) և Ա. Ա.-ի (ծնված 1985 թ.) առողջական վիճակը բժիշկները գնահատել են ծանր: Փրկարարները հոսանքազրկել են ավտոմեքենաները և փակել գազի բալոնների փականները: