Արարատի մարզում, այսօր՝ հունիսի 8-ին, խոշոր ավտովթար է տեղի ունեցել. ժամը 14։05-ի սահմաններում Երեւան-Երասխ ավտոճանապարհի 13 կմ հատվածում բախվել են «ՎԱԶ 2103» մակնիշի 26 ՏՍ 145 համարանիշի, Opel Vectra մակնիշի 34 TQ 901 համարանիշի եւ Subaru մակնիշի 35 PC 740 համարանիշի ավտոմեքենաները։ Shamshyan.com-ի հաղորդմամբ, վթարի հետեւանքով 5 հոգի, որոնց բոլորին առաջինը օգնության են հասել քաղաքացիները, Մասիսի հիվանդանոցի բժիշկները տեղափոխել են Էրեբունի բժշկական կենտրոն։ Ավելի ուշ հիվանդանոցից ահազանգ է ստացվել, որ վիրավորներից մեկը, գիտակցության չգալով՝ մահացել է։ Բախման հետեւանքով «ՎԱԶ 2103»-ը կողաշրջվել է։