Ռուսաստանի Դաշնության Պրիմորիեի երկրամասի Ուսուրիյսկ քաղաքում չինացի զբոսաշրջիկներով լի ավտոբուս է շրջվել, գրում է РИА Новости-ն՝ տեղի արտակարգ ծառայություններին հղումով: Ավտոճանապարհային վթարի հետևանքով 2  մարդ է զոհվել, ևս 19-ը վնասվածքներ ու կոտրվածքներ են ստացել: Դեպքի վայր են ժամանել ոստիկաններ, փրկարարներ և շտապօգնության աշխատակիցներ: Բոլոր տուժածները հոսպիտալացվել են: Նրանցից 6-ի վիճակը ծանր է գնահատվում: Ավտոբուսում ընդհանուր առմամբ 48 մարդ է գտնվել: Վթարի պատճառը վարորդի ինքնազգացողության կտրուկ վատթարացումն է: Հայտնի է, որ նա Ռուսաստանի քաղաքացի է և երկար տարիների փորձ ունի, իսկ ճանապարհ ընկնելուց առաջ անցել է բոլոր անհրաժեշտ ստուգումները: