Մայիսի 24-ին, ժամը 15:57-ին «911» ծառայությանն ահազանգ է ստացվել, որ ուժեղ քամու հետևանքով Շիրակի մարզի Զույգաղբյուր գյուղում վնասվել է խանութի տանիք: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ քամու հետևանքով վնասվել է Զույգաղբյուր գյուղի 1-ին փողոցի թիվ 6 հասցեում գտնվող խանութի տանիքի (մոտ 240 քմ) մոտ 110 քմ հատվածը և խանութում տեղադրված ցուցափեղկերն ու ապրանքները: Փրկարարներն ամրացրել են տանիքի չվնասված, թուլացած հատվածը: