Լոռու մարզում գտնվող «Վանաձոր» առողջարանի տարածքում օրեր առաջ շուրջ 10 հաստաբուն ծառ է հատվել: Շուրջ 20 ծառեր էլ խոր էտ են արվել: Ինչպես հայտնում է Shamshyan.com-ը, հատված ծառերի կոճղերը առողջարանի պուրակում օգտագործվում են որպես նստարաններ ու աթոռներ: Առողջարանի տարածքի պուրակից սակայն օգտվում են ոչ միայն հանգստացողները, այլև վանաձորցիները, ովքեր սակայն զայրացել են՝ տեսնելով հատված ծառերը: Առողջարանի տնօրեն Սարգիս Ամիրյանն ասել է, որ հատված ծառերը իրենցից ընկնելու վտանգ են ներկայացրել, ինչպես նաեւ հիվանդ ծառեր են եղել: Տնօրենի խոսքով՝ իրենք հատված ծառերի փոխարեն նոր տնկիներ են տնկել: Տնօրենը վստահեցրել է, որ իրենք ծառերը հատելուց և էտելուց առաջ խորհրդակցել են դենդրոլոգի հետ, ստացել նրա մասնագիտական եզրակացությունն ու նոր հատումներ ու էտ իրականացրել: Ամբողջությամբ՝ սկզբնաղբյուր լրատվամիջոցում: