Ապրիլի 18-ին, ժամը 16:04-ին 911 ծառայությանը տեղեկություն է հաղորդվել, որ հրդեհ է բռնկվել Արագածոտնի մարզի Աշտարակ քաղաքի Երևանյան փողոցի թիվ 55 հասցեում գտնվող չշահագործվող շինությունում: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Հրդեհը մեկուսացվել է ժամը 16:24-ին, մարվել` 16:41-ին: Այրվել են շինության երկրորդ հարկի հատակը՝ մոտ 5 քմ, փայտյա կառուցատարրեր՝ մոտ 2 քմ  և թղթե թափոններ: Հրդեհի հետևանքով տուժածներ չկան: