Այսօր՝ ապրիլի 17-ին, խոշոր ավտովթար է տեղի ունեցել Երևանում: Ժամը 17:00-ի սահմաններում Հրազդանի կիրճում բախվել են Երևանի բնակիչ, 31-ամյա Գևորգ Խոստիկյանի վարած ВАЗ 21214 մակնիշի 022 XX 01 համարանիշի և Երևանի բնակիչ, 61-ամյա Ստեփան Բաբայանի վարած Opel Vectra մակնիշի 35 QP 324 համարանիշի ավտոմեքենաները: Shamshyan.com-ի փոխանցմամբ, բախման հետևանքով Niva-ն կողաշրջվել է և, ըստ նախնական տեղեկությունների, վթարի հետևանքով, բարեբախտաբար, զոհեր և վիրավորներ չկան: Օպերատիվորեն դեպքի վայր են ժամանել ճանապարհային ոստիկանութւան 1-ին սպայական գումարտակի 5-րդ դասակի տեսուչներ Սենիկ Սարգսյանն ու Սարգիս Սարգսյանը: Օպերատիվորեն ժամանել են նաև Արտակարգ իրավիճակների նախարարության փրկարար ծառայության թիվ 1 հրշեջ-փրկարարական ջոկատը՝ խմբի պետ Աբրահամ Խալաչյանի գլխավորությամբ: Ոստիկանները, քննիչներն ու քաղաքացիները ավտոմեքենան դարձի բերեցին և նշված ավտոմեքենաները տեղափոխվեցին անվտանգ վայր: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: